KIM妹家中打邊爐

昨天得到好朋友阿KIM的妹妹邀請去佢家中打邊爐, 嘩好豐富呀.....

大約4點: 我, gary, kim妹, 肥佬四人相約一起去買材料
大約6點: 協助kim妹洗野, 以前真係冇諗過kim妹煮飯洗菜會比自己好咁多, 真係世事難料
大約7點: 同kim & gary去超市買飲品 & 極品刺身買生蠔&魚生
大約8點: 忙完一天, 終於可以開始食啦, 嘩, 好好味呀, 好豐富呀, 好鮮甜呀, 真係好正呀 ^_^

食完, 又一件奇事發生.....阿珍負責.....洗碗喎
食完, 真正的節目開始啦.....打麻雀....我和gary也滿足地離開了

MuiLam birthday dinner

Gary -- 生日快樂

Gary生日想了很久去那裡為佢慶祝, 本來想同佢去跑馬地街市食翅&鮑魚, 但覺得氣氛同環境都不是太好, 同時妹妹又在為男朋友生日地點煩, 發現佢想帶男朋友去金鐘力寶中心食好扒, 嘩! 好提意喎, gary最愛呀, 於是就打電話訂位, 嚇一跳, 要講英文...??好彩簡單幾句都ok.

RUTH'S CHRIS

DINE IN
SOUP
12oz STRIP
12oz RIBEYE
ONION RINGS
BREAD PUDDING

(o燈 ， o燈 ， o燈 )重 要 的 時 刻 到 了 ， 食 物 的 香 氣 已 從 遠 處 嗅 出 ， 濃 郁 的 牛 油 味 已 令 我 們 食 指 大 動 。 到 了 我 們 的 桌 上 時 ， 親 切 的 侍 應 亦 千 叮 萬 囑 地 吩 咐 小 心 碟 子 。 拿 起 餐 具 把 牛 扒 切 開 ， 充 滿 香 味 的 肉 汁 已 慢 慢 地 從 切 口 滲 出 。 把 一 塊 牛 扒 放 進 口 裡 ，這 件 肉 厚 香 味 濃 的 牛 扒 (Ribeye) 真 係 極 品, 不 可 不 食, 美 味 得 很

逛超級市場

今日要 OT, 所以帶住疲累的身軀回家, 在回家途中收到姪女的電話說: 姑姐你係邊呀, 我好掛住你呀.
嘩, 真係氹死人啦, 什麼都忘記了. 於是回家即刻帶佢去玩, 問佢去邊佢話要行超級市場, 以為佢想買野食, 點知.....原來佢最愛推車仔

姆明四小方罐月餅及糖果禮盒

今天收到可愛的妹妹和佢英俊的男朋友的禮物, 多謝晒!!

火腿粟米碎蛋包

今天(9/5)突然想起妹妹係上個月去日本時送了一樽蛋王醬比我, 於是就麻煩了媽媽幫我買火腿粟米&蛋, 放工回家就即刻製作來作明天的早餐. 佷久都沒有煮野食了, 希望不會失手.

9/6早上交一份比A同事食, 佢話好好味, 真係好開心. A同事平時都比較容易肚痛, 好彩佢今天冇話肚痛, 仲叫我以後做早餐比佢食, 我想有時間我都會努力做!!

芽菜午餐肉炒蛋

爸爸自去年退休後就負責管理屋企的一切事務, 包括洗衫拖地煮飯. 呢個菜係佢最近煮得最好味的. 非常香口開胃啊

清水灣第一灘 (2)

這裡確是一個很好的休閒勝地, 有靚景有清水, 仲有地方比我們燒烤, 你可自己買東西來又可預定, 唔燒烤仲可去旁邊的士多買麵食. 連水泡/浮床($20),沙灘椅($10)/傘都有得租, 真係方便又開心

清水灣第一灘

游水是我倆夏天我最愛的活動, 在7月我們差不多每星期都去游水, 但8月天氣很差, 差不多天天都有雨不者陰暗, 所以我們一個月都沒有去游水了.

今天(9/1) 有猛烈的太陽, 於是我們決定去游水.

游水前梗係要食番餐好野先啦. 不然又怎會有力氣!於是我們決定去大埔食好味大豬扒, 今次仲試左隔離那間的鵪鶉蛋燒賣, 嘩! 又平($7三粒)又好味呀再配個鮮搾果汁, 真係正呀. 食完立刻出發. 游水前要先來一個熱身就係要行一條極長的樓梯, 千萬不要因呢條長梯而退縮呀, 因為行完你就會見到一個水清沙幼的靚沙灘, 水清可見魚兒. 可能呢度真係幾偏僻所以大部人去左清水灣第二灘, 但這裡人稀少, 更覺清幽.

元朗大榮華

豬油撈飯最好味
今晚(8/31)約左同學食飯, 本來我們去左大角咀力奇想打邊爐, 但好多人要等位於是我們立刻改去元朗大榮華, 不過我越來越唔喜歡這裡, 覺得佢的小菜好普通, 甚至比大排檔遜色, 我想如以後不是想食佢的豬油撈飯&奶王馬拉糕我不會去了. 不過可能對我的同學會好好味, 因為平時佢要食未來奶奶的薄荷葉炒蛋. 中秋仲要食解涷的冰皮月餅, 因為不可食生冷野喎.

逛OK便利店

今日好開心琳琳打電話比我話要等我返屋企, 佢要見下我先肯返自己屋, 真係好乖呀! 返到屋企已好夜了, 於是我們就立刻去樓下OK shopping. 去到OK, 我想買薄荷味香口膠時, 佢竟好惡咁罵我:姑姐, 呢d辣辣呀唔准食呀. 咁食乜呀? 食士多啤梨味啦, 好好食架.

跟住我們又去睇雪糕啦! 當我們努力找緊雲呢拿味的時候, 爸爸就來到啦, 問我們點解買"咁內"?
於是琳琳開始驚啦, 佢仲同我講:唔買啦, 要返屋企啦. 我問佢要乜佢都話唔要!
爸爸問佢: 要唔要mm呀?

琳琳就好細聲話: 好, 我要mm.

然後爸爸幫琳琳穿雨衣走了.

萱萱公主駕到

今天(8/24)很榮幸獲得我同事的女女萱萱公主坐gary的車, 沿途佢仲同我握手又叫我姐姐, 好開心呀!

公主下車後, 我們就去了何文田勝利道內的勝利小廚食晚餐, 這裡最出名的是海南雞, 但我們今晚食了豬手飯+泰式魚肚竹笙羹+生牛肉河, 豬手好香好食, 但其他就一般啦, 個羹同食碗仔翅差不多, 唔值!! 下次要專一唔試新野, 只食佢的茄汁蝦,炒大聖子&蒸扇貝 ^_^真係好好味架.

食完就一個人去學跳舞了....今晚共只有5人上堂....