新工作要求

老公對我新工作要求:

(1) 要準時收工
(2) 要五天工作
(3) 工作簡單

我O左嘴, 老公你不是應該同我講不要怕辛苦先可以出去闖嗎?
原來因為老公你

(1) 想回家看見我, 更能為你安排好一個家為首要。老公我會給你一個温暖的家為努力目標
(2) 老公反問我, 如果我星期六日返工, 那麼佢怎麼辦。當刻內心偷笑了, 嘴角挑起了。 充滿幸福感覺❣
(3) 老公話出面人事復習怕我難適應, 而我們簡單就滿足, 不需要依賴我工作。老公你太縱容我了, 我其實都好想為你建立一個温暖完美的家❢

神是我們一家之主, 求神引領我們向前❣

結婚四周年

不知不覺同老公結婚四年了, 果真時光飛逝.
今年我們只去家附近的吃打冷慶祝.
食物雖然簡單, 但我感受到老公對我的愛無減。

老公你工作壓力大又要加班仍堅持趕回來同我慶祝, 真的絕不簡單。

老公我愛你, 多謝你。

行山

今日同老公由屋企樓下(沙田坳道))行到去沙田博康邨, 好開心呀, 不用搭車就可以行山。
我們決定以後會多行！

我的工作

I Love Hitachi。

我係日立工作12 年了, 工作, 上司, 同事, 環境我都極喜歡, 早已定下做到退休的目標. 

可惜不能盡如人意！自去年公司裁員消息一出, 已經開始好擔心這個家會撐不下, 於是不斷跟進老闆的最新消息, 一時話公司會再裁員, 一時話日本唔想要香港，一時話hitachi media會執, 各樣消息都令我好擔心, 老公話咁差今年唔執來年都有機會, 叫我不要有期望。可能自知係這温室這麼多年, 離開一定難適應。害怕重新適應新環境, 人事，工作仲有人工, 我自知自己不上進,恐怕離開找新工作會高不成底不就！於是一直等....

今日結果終於出了…

老闆宣佈整間media會close, 包括日本香港和大陸，總公司決定不要我們了！oh，即什麼幻想都無了。

心情失落傷心, 好似要同老朋友分別的感覺..

唯有祈禱,相信神會有安排❣

耶和華是我們的牧者, 必不缺乏！

芝士大蝦烏冬

昨日同老公去大埔街市買左8只大蝦，老公好想食芝士大蝦, 於是就學煮第一次的~芝士大蝦烏冬

洗乾淨大蝦再挑去蝦腸,, 先用鹽和胡椒粉庵大蝦。

烏冬出水

用蒜蓉煎大蝦至五成, 再放烏冬係底,, 芝士放面加水蓋上鍋蓋至芝士熔和大蝦全熟即可

老公話超正好喜歡, 竟然話我廚藝進步. 今日仍好回味❢
連阿媽都話正, 仲食左兩只

詩歌~愛的功課

令人感動很有意思的詩歌

蘿蔔糕

今晚好開心, 因為同老公成功整左三底蘿蔔糕, 好味.
但老公覺得多三條臘腸會較正. 我就足夠了.
 成份:
蘿蔔七斤, 六成刨姜絲, 四成像筷子粗
粘米粉一包, 6 ００克，
剩約3０克, 改用3０克澄面,
臘腸六條、蝦米、瑤柱、
雞粉、胡椒粉、鹽