2009年2月21日星期六

婚禮預備


仲有兩星期我們的婚禮就舉行了, 原來真係一個大製作.
婚宴場地: 要一年前預定 (因為地點要方便, 場地大小要合適, 食物要有質素, 日子要同人爭 )
影婚紗相: 約一年開始 (要睇天氣, 影完仲要揀相, 揀完仲要等幾個月才有相, 再要用相去印刷教堂邀請咭等等...)
租教堂: 要一年 (不是所有教堂都外租, 有些只租比自己教友, 有d自己教友優先, 有d又裝修中, 又希望地點方便教堂靚, 而且香港真係很多基督徒)
租婚紗晚裝: 要大半年 (因你唔緊張其他人緊張, 你想租的隨時比你租左)
印請帖, 教堂邀請咭和程序表: 要半年 (請帖本想省點錢用酒樓提供的, 但實在太"肉酸", 唯有要出去找印刷公司設計, 幸而有gary的準妹夫幫我們一手包辦設計和印刷, 仲得到很多人的讚賞呢!)
仲有其他事務要預算....姊妹衫, 媽咪衫, 戒指, 唐餅西餅, 結婚通知書, 化妝, 攝影, 教堂佈置, 租車, 訂紅酒, 決定蜜月旅行地點, 決定人客, 派帖, 坐位.....等等, 幸而神知道我們二人不能完成, 所以為我們預備左很多人手, 很多朋友弟兄姊妹都主動要為我們出力. 真係非常感動感激. 雖然當中有小小的不愉快:例如一早問朋友是否會出席我的婚宴才派帖,但到派帖時佢竟黑面仲退後兩步問我點解要炸佢, 唉!!真係好難受啊. 其實朋友不出席不要緊, 最重要可提前通知我們, 讓我們好安排坐位! 另外因我們訂酒席時預計錯了, 所以有部份朋友不能邀請真係很抱歉.

有主耶穌基督係度, 乜都唔洗怕.

沒有留言: