2007年的大收穫

深圳

食完好好味牛排, 我們係回家途中回想起大約兩個月前同兩位朋友去深圳食的那一餐.....好掛住你呀

Our Rib-eye

Medium rare
由於這牛排含油適中，又略帶血水，口感甚是鲜美。
Medium well

瘦肉和肥肉兼而有之，由於含一定肥膘，煎烤味道比較香。

感不到所謂的“老”和“咬不動”。

我們覺得有chris's steak house級數
記錄: 0.41kg $73.5 (由阿姨的好朋友從批發公司買回來的美國牛排, 佢話係批比大酒店的)

MERRY X'MAS

12/25 聖誕節一早起床同gary去塔門遊玩, 係黃石碼頭坐船去塔門只需半小時, 環島慢步一周只需一小時, 這裡景色極美, 四周有很多人wildcamp....我都很想試下呀

下午四點同泰國團友係白石燒烤, 好開心, 之後仲去大圍傅師傅食甜品, 仲約定下次一起去食海鮮....正

Kim Kim 生日

12月15日係好朋友阿kim的生日! 一班好朋友去到佐敦牛皇打邊爐為佢慶祝生日.
今晚壽星女非常開心, 佢多次鍚我, 攬我, 仲喊埋, 逐個朋友表達多謝. 佢仲帶點醉意係我耳邊說:
你是我最好朋友, 我最愛係你, 你知道嗎? 你唔好唔理我呀!
唔知以為係自己生日, 朋友咁樣逗我開心. 哈哈
kimkim: 你也是我最好朋友, 你永遠是我最好朋友! 所以你都唔可以唔理我,仲要事事為我設想, 除了你家人, 你未來老公/男朋友外, 要以我為先

蛇宴

阿媽訂左蛇宴請我們食! 蛇宴整體都好好味, 但係我就有種被騙的咁覺.....
其中一味係蛇羹, 每人都分到差不多兩碗, 大家都好滿足又好味道時, 就有人問我們要唔要另外買D返屋企, 只需$20, 於是我們就買左1碗比阿哥, 好彩係一碗啊!! 原來....一共有三窩蛇羮呀, 我們各人都食到怕之下, 問人可否打包, 佢話外賣盒一個要$1, 真係識搵錢呀, 我們連羊肉, 共打包左5盒呢

大尾篤食泰菜

今晚(12/7)去左大尾篤同朋友預祝生日, 初時都很怕他們嫌遠又唔好食, 點知佢地好喜歡呢個環境仲覺得好好味, 實在太好了....我們邊吃邊吹水, 好興奮

講真呢度環境真係幾好架, 好舒服. 食物同服務都不錯, 價錢又實惠, 佢附近仲可以踏單車, 釣魚, BBQ, 又可以放下狗, 行下水霸, 輕鬆愉快過一天

偷閒享樂

今天gary來公司找我去食午餐--好開心呀! 正好老板又不在, 於是借去銀行的藉口同gary去左stonegrill食石頭燒食到一點幾就直接去銀行了.

今次係gary第一次來呢間食, 佢有時都幾厭尖, 所以都很擔心佢會太大期望而失望, 好彩! 佢覺得好味, 連個蘑菇湯都話好正, 所以我們仲入埋會添, 下次佢話可以叫埋阿媽/阿妹, 因為會員有三送一優惠^_^

再去

朋友好有心, 去完大陸旅行一下船就請我去呢間咁正的地方食晚餐, 唔知係咪本身不肚餓覺得冇平時咁好味, 無論如何, 朋友: 多謝

好朋友的定義：
知心，不會害對方，跟對方在一起很自在快樂！還有互相信任、包容！真誠對待對方。

元朗夢工房

跟朋友去朋友開的壽司店食, 熱食好味, 但壽司就真係非常普通
還是田中比較好味

2人火鍋

今天是我們第二次兩個人打邊爐, 好味好飽

黃大仙中心八喜

上月哥哥生日, 因他太忙一直都未有時間為佢慶祝, 今天放annual leave於是相約今晚一起去試下黃大仙新開的食店順便為佢補祝生日, 唔....裝修都幾靚, 菜式都幾特別, 石窝胡椒蝦好野味, 其他都一般啦, 價錢對於黃大仙區就比較貴, 6人分量 (共八人食, 但阿嫂和琳琳已去街食飽,表妹返學打包回家吃) 共$680(信用咭優惠價).

生日快樂 <4>

11/4 今晚又係老友譚小姐破產的時候啦, 因為11月係我, Nancy, Karen的生, 每年這個月都由她一手包辦我們三位生日, 今年老闆請我們去東海食大閘蟹宴, 呢餐除了用正, 極品形容真係唔知點形容好. 個湯有金華火腿, 海參, 冬菇, 瑤柱, 翅, 花膠同雞腳, 真係甜到入心呀^_^鐘意食蟹的朋友一定不能錯過啊!
譚小姐多謝你呀, 年年都要你咁辛苦添, 不過要繼續呀, 唔好停, 好似我們友情一樣, "有增無減"!! 不過你都放心你的123日子我們都會永不忘記

生日快樂 <3>

11/3下午同琳琳&表妹去冒險樂園玩, 我自己第一次玩波波池, 感覺...好攰, 并不是幻想咁好玩, 可能真係大啦, 琳琳就興奮極了. 唔知點解佢突然發脾氣....琳琳你的脾氣太壞了, 希望你大了會轉變吧!!!


11/3 到我一班出生入死的好朋友同我慶祝生日啦. 好興奮呀, 有好朋友同我一起食我最愛的海鮮. 且開心一浪接一浪, 有一張kimkim為我花心思挑選的生日咭, 很特別很靚, 仲有一個大袋. 多謝晒呀. 我真係很滿足啦. 雖然有幾位朋友不能出席, 但有你們又有大頭的電話, 我己很開心, 更可況都市人有不同的活動工作是在所難免, 有時朋友不一定要時時見面, 間中有電話的問候同關心已很難得, 只要你們永遠視我為好朋友就已很足夠!

生日快樂 <2>

11/2 四弟同我們係花園餐廳食午餐, 好開心啊. 希望此情永不變.

今晚兩位好朋友 (潔純&肖萍) 於佐敦MARCO'S同我食飯, 這裡環境和價錢都不錯. 鵝肝牛柳同心太軟都好好味. 在食飯其間, 有專人為我們彈結他, 我們又一 起講下大家的瘀事, 擇偶條件, 心事, 甚至未來子女的名, 真係笑到流眼淚呀.

生日快樂 <1>

人生的新一頁又開始啦! 講真, 呢一步真係感覺好大, 好似一個很大的轉變的開始, 想一想有點點不開心, 但細數一下自己原來係主的指引保守下擁有咁多美好的東西, 真係好幸福...一份不太差的工作(有一班互相支持關心的好同事), 有溫暖的家, 有疼愛我的男朋友, 仲有一班好知己好朋友, 我真係好幸運, 希望能永遠擁有. 你們一個都不能少啊!!

10/31 有好同事係翡翠小籠飽慶祝 我&SUSANNE生日, 好好味呀, 今次仲試左幾種新食物(醉豬手, 季豆, 山煎包), 全都好好好味, 多謝呀

11/1 早上,好開心收到GARY送的11枝黃玫瑰, 除了太陽花, 黃玫瑰是我的最愛. 很好奇點解會係11枝, 11枝好似係有特別意思, 但覺得佢應該唔識, 於是 晚上問佢點解會係11枝, 一聽下...好冧呀.....一生一世愛你, 我是你的唯一

開心停不了, 午餐有表妹, 妹妹和媽媽為我慶生日. 記得去年妹妹&妹妹男朋友都有來為我慶祝生日, 而且都係呢問呢! 呢間的豬扒, 炸帶子, 炸生蠔真係非食不可呢!

晚餐: 有GARY載我去鋰景灣(SOHO東)JACK食生日晚餐, 好鮮味, 有生蠔, 蒜蓉牛油龍蝦, 意大利雲吞, 千層闊麵, 正! 環境都好特別, 張梳化係千秋來架. 最驚喜係熄燈唱生日歌, 初時好尷尬, 但發現原來今晚有幾個同一日生日的人係度慶祝就好興奮了

10/21 畢業典禮 & 爸爸生日晚餐

最後(可能)一個會計課程畢業了!
影完相後, 我們一起去食香港仔謝記魚旦. 好開心呀, 有家人有好同事仲有好同事的老公和女女萱萱, 多謝你們呀. 仲有多謝jazzy的禮物

食完我們就立刻去太子京華酒樓為爸爸慶祝生日啦. 老豆: 生日快樂, 褔如東海, 老如松柏

10/20 行山前的豐富午餐

wa!! delicious lunch, 好飽呀.....出發啦

10/20 hiking & Chun's birthday dinner

晚上係旺角稻香慶祝珍珍生日

午餐去中環勝香園食好好味蕃茄麵&通粉 + 檸檬脆脆, 但為食的我們仍去對面的九記食牛腩伊, 好彩中午2:00 與教友去紫羅蘭徑行山, 否則....會加快變大肥妹&仔

10/19 BBQ at 粉嶺流水嚮

Enjoyable & Wonderful
我們第一次兩個人去BBQ, 好開心呀^_^ GARY負責醃製牛扒豬扒和雞翼, 味道不錯, 我負責包菜...一邊燒烤一邊傾下計, 好溫馨呢